Ginkumpirmar sang Bacolod City Police Office nga may minor reshuffling nga ginpatuman sa pila ka mga police stations sa ciudad.
Ginbuslan ni Police Captain Armilyn Vargas nagikan sa Police Station 10 si Police Executive Master Sergeant Voltaire Sy bilang hepe sang Station 8 samtang ginbuslan naman ni Police Major Ruel Culanag si Police Capt. Vargas sa Police Station 10.
Sa interview sang Bombo Radyo Bacolod kay BCPO spokesperson Police Lt. Col. Ariel Pico, ginpahayag sini nga sang Domingo pa napirmahan BCPO Director Police Col. Henry Biñas ang order angot sa reshuffling kag nangin epektibo sang Lunes.
Suno kay Pico, Disyembre pa lang sang tinalikdan nga tuig may yara na sang reshuffling agreement kanday Pol. Major Garry Allan Resuma kag Pol. Major Reynante Jomocan apang wala ini napatuman bangud sa ECQ.
Gindugang man sini nga si Executive Master Sergeant Voltaire Sy ang ginbalik sa records section sang Bacolod City Police Office bangud kulang pa ang ranggo sini nga mangin hepe sang isa ka police station.
Madumduman nga ginbuslan ni Jomocan si Police Major Garry Allan Resuma bilang Chief Investigator sa Iloilo City Police Office (ICPO) kag wala sang kaangtanan sa mga nagluntad nga pagpangluthang sa Area of Responsibility sini ang pagrelieve sa iya.
