Nagpaathag si Bacolod City Councilor Renecito Novero tuhoy sa aligasyon sang mga pumuluyo angot sa mahinay nga pagpagwa sang ciudad sa resulta sang swab test sa ginpatigayon nga mass testing.
Ginpaathag sang konsehal nga nagaswab lang ang siyudad kag ginapasa ini gilayon sa mga molecular laboatory.
Apang suno kay Novero, indi magbaton ang Corazon Locsin Montellibano Memorial Regional Hospital (CLMMRH) sang mga RT-PCR sample kag nagkaproblema ang Teresita Jalandoni Provincial Hospital Molecular Laboratory.
Bangud sini, ginpadala pa ang specimen sa Cebu sa bulig ni General Melquiades Feliciano, ang Inter-Agency Task Force deputy chief implementer sa Visayas.
Ginatinguhaan naman nga maproseso gilayon ang mga samples.
Bangod naman sa corruption sa Philhealth, pila naman ang bulontaryo nga nagapahayag nga sila nalang ang mabayad sa swab test.
Santo naman sa impormasyon nga nabatun ni Novero, 531 ang nagpositibo sa ginpatigayon nga mass testing sang ciudad.
Santo naman sa tracing czar nga si Mayor Benjamin Magalong sang Baguio City, yara sa 1:8 ang contact ratio sang ciudad.
Ginabanta nga sa sulod sang tatlo ka semana, sarang nga malab-ot ang peak sang pagsaka sang infection, kag amat-amat na nga manaog.
Suno kay Novero, nagpromisa na ang Regional Hospital nga magabatun sang 50 ka sample sa kada adlaw.
Nagalaom naman ini nga magabatun man ang Teresita Lopez Jalandoni Provincial Hospital.
