Ginpahayag sang pinuno sang Bacolod Traffic Authority Office nga wala sang dako nga epekto ang transport strike nga patigayunon sang mga transport group sa siyudad sang Bacolod nga nagabyahe sang traditional jeepney subong nga adlaw.
Sa interview sang Bombo Radyo kay BTAO Head Police Major Junji Liba, wala sang problema para sa mga drayber sang modernized jeepney ang isa ka adlaw nga untat byahe sang traditional jeepney bangod nga madamo naman sang nagabyahe nga modernized jeepneys.
Suno diri, santo sa impormasyon nga iya nakuha ang grupo nga United Negros Drivers and Operators Center (Undoc) kag Bacolod Alliance Commuter Operator Driver (Bacod) kag iban pa nga transport group nga nagaplano mag-untat sang byahe sa karun nga adlaw, may yara lamang sang gamay nga pwersa nga inid maka-apekto sa byahe sang mga pasahero.
Apang, aminado man ini nga wala pa mahibaluan kun madugangan ukon mabuhinan ang numero sang mga jeep nga magapartisipar sa transport strike.
Samtang, preparado na ang Bacolod Traffic Authority Office sa gina-ekspektaran nga pagbyahe sang mga colorum nga jeep.
Sa interview sang Bombo Radyo kay BTAO Head Police Major Junji Liba, preparado na ang task force colorum sa pagbantay sa mga colorum nga jeep, nga iya ginhingyoan nga indi magbyahe sang ilegal bangod nga desidido ini nga dakpon ang may mga bayolasyon.
