Pila ka tricyle drivers pabor man kun sila ang iswab test

Pabor ang presidente sang Banago-Sibucao Tricycle Operators and Drivers Association pananglitan nga ipaidalom man sila sa swab testing.

Suno kay Marlon Deriada, nagapasugot ini nga iswab test siya agud nga masiguro nga hilway ini sa virus.

Suno kay Deriada, mas maayo nga mahibaluan dayon kun positibo ini agud nga mabulong kag indi na maglapta pa.

Dugang pa sini nga libre pa ang patigayunon nga swab testing.

Apang iya ginpanindugan nga personal niya lamang ini nga panan-awan kag nagadepende ini gihapon sa iban nga mga driver.

Aminado man si Deriada nga ginakahangaw-an man lang nila amo nga kun pagkatapos sang swab test, ano dayon ang matabo sa ila.