Ginpahayag sang Punong Barangay sang Brgy. Mandalagan, Bacolod City nga may pila na ka mga nagapabatyag kag nagakampanya sa social media apisar nga wala pa sang campaign period para sa Barangay and Sangguniang Kabataan Elections 2026.
Sa interview sang Bombo Radyo kay Punong Barangay Paul Anieve sang Brgy Mandalagan, Bacolod City, ginapakamaayo sini nga madayon ang BSKE Election sa Nobyembre 2, 2026 agud matagaan man sang tsansa ang iban nga luyag nga magpapili kag mapakita ang ila mahimo mabulig para sa kamaayuhan sang Brgy.
Dugang pa, ang iban nga mga opisyal sang Brgy ang “overstaying” na.
Sa pihak sini, ginpahayag ni Anieve nga sa subong, nakatutok siya sa gihapon sa pagtrabaho bangud madamo pa sang proyekto nga iya ginakuptan nga wala pa natapos.
Suno diri, apisar nga nagahilapit na ang election, wala siya sang concern tuhoy sa kampanya bangud suno diri, kun nakita man lang sa mga pumuluyo ang ginaubra sang isa ka opisyal, ang mga ini ang malipay kag magboto sa gihapon.
