Ginkumpirmar sang pinuno sang Bago City Disaster Risk Reduction Management Office (CDRRMO) nga nag-umpisa na sa pag-abot ang mga bahay kubo nga ginbakal sang ciudad nga tiniran sang mga Kanlaon evacuees sa ciudad sang Bago, Negros Occidental.
Sa interview kay Dra. Mary Jane Ortizo, nag-amat amat na abot kahapon ang ginbakal sang ciudad nga bahay kubo.
Suno kay Ortizo, 50 ka bahay kubo ang ginpropose sang ciudad apang sa karun 14 pa lang ang nag-abot.
Suno diri ang City Engineers sang Bago City ang nag-umpisa na sa site development sang ila butangan sang mga bahay kubo sa Barangay Napoles sa nasambit nga ciudad.
Pila sa mga naumpisahan na ang pagbutang sang dalan pasulod kag pagtsekyar sang lugar nga mahimo butangan sang communal toilet kasubong man sang community kitchen.
Ginpahayag man sini nga nagrequest na sila sa probinsya paagi sa Provincial Disaster Risk Reduction Management Office (CDRRMO) sang budget para sa pagpatindog sang communal toilet kasubong man sang community kitchen.
Ang camp site ang napreparahan na sang security gikan sa Philippine National Police; may medical team; may women and children friendly space kag naplastar naman ang camp management team.
Ang kada kubo ang iplastar nga may lima ka metros ang antad kada isa para sa privacy kag comfort man sang mga pamilya nga magatinir didto.
7000 hectares naman ang kalaparon sang lugar nga pahamtangan sang bahay kubo.
Ginpili sang Bago City ang bahay kubo bangud nga maayo ang ventilation sini kumparar sa tent nga ginprovide sang Office of Civil Defense kag nakaangat ini sa duta agud nga indi madasig mabasa sa tion nga mag-ulan.
