Excited na nga magperform kag magpasundayag sang ila talento ang Thunderwave Band sa Handog ng Bombo Radyo at Star FM sa Masskara Festival 2026, MASSRAKRAKAN: A showdown of local bands in Negros Island Region.
Ang Battle of the Bands ang patigayunon sumugod alas-6:00 sa gab-i bwas, Oktubre 15 sa Bacolod City Public Plaza.
Sa interview sang Bombo Radyo Bacolod kay Edgar Regodos, ang Thunderwave Band ang may lima ka miyembro nga ginalakipan niya nga keyboardist, base guitarist, lead guitarist, drummer, kag vocalist.
Suno diri, siya ang nakapinsar nga magtukod sang banda.
Natabuan naman nga sang summer sang nakaligad nga duha ka tuig, nakita niya sa pagtambong sa misa para sa lubong ang pastor nga si Arron Villaflor, nga iya gin-agda nga mangin base guitarist.
Samtang ang vocalist sang banda nga si Warren Dumaniel, ang gikan naman sa banda nga Dish Band nga nagdisband naman sadto.
Sa duha ka tuig bilang grupo, sila ang nakapasakop naman sa pila ka battle of the bands, kalakip na sa Masskara Festival 2025, kag sa Sinulog sa Kabankalan City.
Malipayon ang mga ini sa kahigayunan nga makaperform, kag sa paghatag sang tyansa sa mga local artist nga makapasundayag.
Samtang si Warren Dumaniel, ang vocalist nga amo man ang pinakalamharon sa grupo.
Slow rock ang ila nga genre nga iperform bangod ini ang makita nila nga maka-entertain gid sa audience.
Suno kay Warren, sadto nagakaraoke pa lamang ini, ang iya mga kaupdanan ang makabig na niya nga legend sa banda bangod ang mga ini ang nagatukar na sa mga dalagko nga audience.
Wala ini naglaom nga parehas lamang sila nga residente sa Brgy Singcang-Airport ni Edgar, gani wala na ini nagduha-duha sang siya ang ginhagad nga mag-upod sa gintukod nga banda.
Ginpreparar man sini ang iya tingog agud makahatag sang maayo nga performance.
Si Warren ang naghalad man sang gamay nga performance.
Panugyan nila sa mga pumuluyo nga dal-on ang pamilya kag mag-enjoy sa Massrakrakan 2026.
Confident ang mga scholars sa Colegio San Agustin – Bacolod sa ila banda nga Kamighon sa pagperform sa Handog ng Bombo Radyo at Star FM sa Masskara Festival 2026, MASSRAKRAKAN: A showdown of local bands in Negros Island Region.
Sa interview sang Bombo Radyo Bacolod sa Kamighon Band paagi sa ila drummer nga si Euvienezer Jain, ang banda ang natukod sang early 2000s pa.
Yara sa 17 ang kabug-usan nga miyembro sa karun sang Kamighon, apang 10 lamang ang magaperform sa Massrakrakan kag iban diri ang aspirant pa lamang nga mangin miyembro.
Sadto, lain pa ang pangalan sang banda, kag sang 2021 lamang ginhimo nga Kamighon.
Pahayag ni Jain nga confident sila sa karun bangod nakapreparar sila sang kapin duha ka semana.
Apisar sa masako nga class schedule, sila ang nagapractice matapos sang klase, nga kun kis-a nagadangat sa alas-9:00 tubtob alas-10:00 sang gab-i.
Sila ang nakaperform naman sa iban nga battle of the bands, kaangay sa Sinulog sa Kabankalan 2025 kag Panaad sa Negros 2026, iban pa nga mga ciudad kag sa intercollegiate band battles.
Suno diri, sila ang may flexible genre kag masami nakadepende ang song choices sa event ukon tema.
Excited sila nga magperform nga dala ang pride sang Colegio San Agustin – Bacolod.
Confident ang mga ini apisar pa nga makasumpong nila ang ila Band Director nga magaperform man sa Massrakrakan upod sa makontra nila nga banda.
