Gin-anunsyo ni Lead Prosecutor Gerville Luistro nga indi na pag-ipresentar sang House prosecution panel ang pila ka mga natalana nga testigo sa impeachment trial ni Vice President Sara Duterte kahapon, Hulyo 15, 2026.
Kaangot ini sa Impeachment Article IV nga nagatalakay sa gina-alegar pamahog sang Bise Presidente.
Kalakip sa mga indi na pagpresentar amo ang representative nagikan sa Philippine National Police Firearms and Explosives Office (PNP FEO), journalist nga sanday Mikhail Flores at Bonz Magsambol, Sheriff Abe Andres, isa ka himata sang biktima sang pagpamahog kag isa ka psychiatrist.
Suno kay Luistro, si National Bureau of Investigation (NBI) Director Melvin Matibag ang mangin ulihi nga testigo sang prosecution para sa Article IV.
Ang iya nga testimonya ang ginalauman nga maghatag sang kabug-usan nga pagpaathag sa mga alegasyon sang pagpamahog sa kabuhi nanday President Ferdinand Marcos Jr., first lady Liza Marcos, kag anay House Speaker Martin Romualdez nga nakasaad sa impeachment complaint.
Ang desisyon sang prosecution nga magbuhin sang testigo ang nakita nga tikang agud nga mas mapadasig ang trial kag mafocus ang atensyon sa mga nagapanguna nga ebidensya kag testimonya nga direkta nga may kaangtanan sa kaso.
