Nagalaom ang isa ka vendor sa 17th Negros Island Farmers Organic Festival nga makilala ang ila nga produkto.
Suno kay Laiza Belleza, Supervisor sang HSHS Botanical Garden, ang ila nga tissue culture products ang bag-o pa lamang gani nagalaom ini nga paagi sa organic festival makilala ang ila nga produkto.
Nanari-sari man nga organic farm products ang gingamit sang mga ini para sa tissue culture kag pila na diri ang tubo, kawayan kag saging.
Magluwas sa tissue nagabaligya man sini sang ornamentals kag mga insect repellants nga himo sa bulak.
Nagapasalamat man ini nga bisan paano may yara man sila sang benta.
Suno kay Belleza sa luyag nga magbakal mahimo lamang sila magpadulong sa capitol lagoon sa nagapadayon nga organic festival ukon magbisita sa ila facebook page nga HSHS Botanical Garden.
Samtang, kalakip man sa nagplastar sang stalls sa nagapadayon nga 17th Negros Island Farmers Organic Festival ang Central Philippines State University – Kabankalan City.
Suno kay Marivic Pedrosa, director for Production Enterprise and Development ang produkto nila nga handloom ang ginhimo sang mga farmers community sa ciudad sang Kabankalan nga gin-organize sang CPSU.
Suno pa diri ang magluwas sa handloom products kun sa diin gin-weave nga tela sang farmers community, may yara man sila sang produkto nga organic coffee, massage oil, insect repellant kag muscovado sugar.
Kalabanan sang nagaorder sang Handloom weaving products amo ang nagikan man sa gobyerno agud himuon nga token.
