Natalana nga magpatigayon sang reshuffling sa pila ka mga station commanders sang Bacolod City Police Office (BCPO).
Sa interview sang Bombo Radyo Bacolod kay BCPO Director Police Col. Joeresty Coronica, sa karun ang Station Commander sang Bacolod Police Station 2 nga si Police Captain Glenn Montaño kag Station Commander sang Bacolod Police Station 10 nga si Police Captain Lelanie Lagoting ang ginrelieve sa pwesto bangod sila ang nagpatigayon sang schooling.
Nahibaluan nga requirement ang schooling sa mga kapulisan antes makapasaka sang ranggo.
Sa karun, nagaserbe nga officer in charge sang Bacolod Police Station 2 ang deputy chief nga si Police Lt. Rhanie Songaling samtang si deputy chief Police Lt. Benjo Tortosa naman ang nagserbe nga OIC sa Bacolod Police Station 10.
Suno kay Coronica, indi pa matumod kun san-o makabalik ang duha ka station commander bangod ang schooling ang nagalawig sang tatlo tubtob apat ka bulan.
Sa masami, ang mga nagschooling nga station commanders ang ginabalik man sa ila pwesto matapos ang pag-eskwela.
Apang suno diri, natalana gid man nga magpatigayon sang reshuffling sang station commanders ang BCPO, gani mahimo nga ikonsiderar naman diri ang magabulos sa pwesto nanday Montaño kag Lagoting.
Nahibaluan nga nakaligad pa kuntani ang pagpatigayon sang reshuffling, apang wala nadayun bangod liwat pa nga gintun-an ang assignments sang mga opisyal.
