Pilason ang suspetsado kag duha ka biktima bangod sa pagpanglabo sa Purok II, Sitio Laon, Brgy Colonia Divina, Siyudad sang Sagay

Pilason ang suspetsado kag duha ka biktima bangod sa pagpanglabo sa Purok II, Sitio Laon, Brgy Colonia Divina, Siyudad sang Sagay.

Ang mga biktima ginkilala nga sanday Juliet Lapiz, 46 anyos kag Rokit Andales, 70 anyos, samtang ang suspetsado naman amo si Felix Quizon, 45 anyos, lunsay mga residente sang nasambit nga lugar.

Sa imbestigasyon sang Sagay City Police Station, ginlabo sang suspetsado si Lapiz sa wala sini nga kamot, samtang nagka-tyansa naman ini nga biktima nga makuha ang binangon kag kasubong nga ginlabo ang suspetsado sa ulo.

Samtang, tuyo kun tani nin Andales nga magtambag apang ini naigoan sa tuo nga kamot kag wala nga paa.

Gilayon naman nga gindala ang suspek kag mga biktima sa AESMD hospital, Sagay City.