-- ADVERTISEMENT --
Para sa isa ka Pilipina sa North Dakota, USA, ihatag sini ang iya boto kay Vice President Kamala Harris bangod sa maayo sini nga pamatasan.
Sa interview sang Bombo Radyo Bacolod kay Rachely Beroncal Grindberg, Bombo International News Correspondent derekta sa North Dakota, USA, wala ini nanamian sang pamatasan ni former president Donald Trump apang nakita sini nga indi butigon kag maalam si Harris amo nga botohon sini ang bise presidente.
Suno diri, iya ginalauman nga makita ang isa ka babayi nga magapungko bilang presidente sang Estados Unidos.
Pahayag ni Grindberg, nakaagi sini nga ginboto sadto si Trump apang sunod nga eleksyon ginpili sini si President Joe Biden kag sa karun botohon sini si Harris.
