Bukas ang Pilipinas sa pagpakig-angot sa iban nga pungsod para sa oil kag gas exploration kag indi lamang sa China.
Suno kay Energy Secretary Sharon Garin, sang nakaligad lamang, ginpirmahan ni Presidente Ferdinand Marcos Jr. ang walo ka bag-o nga service contracts para sa eksplorasyon sang langis, natural gas, kag hydrogen kasunod sang pagpasanyog sang operasyon sa Malampaya.
Ginpaathag sang tiglikom nga apisar may mga pribado nga kumpanya nga may mga partner gikan sa Australia, United Kingdom, Israel, kag Estados Unidos, wala pa sang konkreto nga kontrata para sa joint exploration sa tunga sang gobyerno sang Pilipinas kag China.
Suno kay Garin, santo sa pinakaulihi nga pakighinun-anon sini sa Embahada sang China, nakasentro lamang ang diskusyon sa pagsiguro nga padayon ang pag-abot sang mga order nga diesel kag petrolyo sang mga lokal nga kumpanya kag indi natuhoy sa eksplorasyon.
