Pilipinas, ginpabaskog pa ang madugay na nga relasyon sa America sa pagsapol nanday President Bongbong Marcos kag US President Donald Trump kahapon
-- ADVERTISEMENT --

Liwat nga ginpabaskog ni President Ferdinand Marcos Jr. ang madugay na nga relasyon kag alyansa sang Pilipinas kag Estados Unidos sa iya nga speech sa state luncheon para kay US President Donald Trump sa Malacañang kahapon, Nobyembre 18.

Ginpahayag ni Marcos nga makahulugan ang pagbisita ni Trump bangud kadungan sini ang pagdumdom sang ika-80 nga anibersaryo sang diplomatiko nga relasyon sang duha ka pungsod kag ika-75 anibersaryo naman sang Mutual Defense Treaty.

Suno sa presidente, indi lamang ang depensa kag seguridad ang sakop sang ila kooperasyon, kundi pati man ang trading, investment, energy, technology, edukasyon, kag pagpabaskog sang supply chains.

Ginhatagan man sini pagtamod ang importansya sang madugay nga pag-amigohay, pagsalig, kag pagbinuligay sang duha ka pungsod.

Nagalaum si Marcos nga ang pagbisita ni Trump ang magabukas sang mas madamo nga oportunidad para sa mas mapag-on nga relasyon, kasubong man sa kalinong, seguridad, kag kauswagan sang Estados Unidos kag Pilipinas.

-- ADVERTISEMENT --