Pilipinas kag European Union, magapatigayon sang masunod nga round sang free trade agreement sa Hunyo

Natalana nga magapatigayon sang masunod nga round sang paghinun-anon para sa free trade agreement (FTA) sa Hunyo sini nga tuig ang Pilipinas kag European Union (EU).

Ginpahayag ni Trade Undersecretary Allan Gepty, nga patigayunon ang masunod nga FTA talks sa Brussels, Belgium.

Suno pa kay Gepty, nga may yara sang patigayunon nga inter-sessional sessions agud mapadasig ang negosasyon.

Ang FTA negotiations sa tunga sang Pilipinas kag EU ang ginpatigayon sa Manila sang tinalikdan nga Pebrero 10 tubtob 14.

Dugang pa ni Gepty nga tinutuyo sang gobyerno nga matapos ang FTA antes magtakop ang administrasyon ni President Ferdinand “Bongbong” Marcos Jr. sa tuig 2028.