Magafile sang diplomatic protest ang Pilipinas sa pagdagdag sang Chinese Air Force sang flares sa alagyan sang isa ka eroplano sang Philippine Air Force sa Bajo de Masinloc sang tinalikdan nga semana.
Suno kay Defense Secretary Gilberto Teodoro Jr., dapat magsunod ang China sa international law kag ide-escalate ang tensyon sa West Philippine Sea.
Suno kay Teodoro, indi ini dapat pagpabuyan-buyanan lamang.
Suno naman kay Foreign Secretary Enrique Manalo, magapatigayon sang meeting ang National Maritime Council subong nga semana agud diskusyunan ang insidente kag makadihon sang nagakaigo nga response.
Suno diri, natabo ang insidente sa tunga sang pagpakalma sang tensyon sa ginaagawan nga teritoryo gani sila ang magafile sang protesta.
Ang insidente ang natabo matapos ginconvene sang Pilipinas kag China ang Bilateral Consultation Mechanism sa West Philippine Sea sa Manila sang Hulyo 2, kun sa diin nagkomiter ang duha ka nasyon nga pahagan-haganon ang tensyon.
