Nagapreparar na ang gobyerno sang Pilipinas para sa pagpatuman sang Alert Level 1 kag transition sang COVID-19 pandemic to endemic state suno sa Department of Health.
Suno kay Health Undersecretary Maria Rosario Vergeire, ang Alert Level 1 ang mangin “new normal” sang pungsod.
Ini ang ginadeklarar kun manubo kag naganubo na ang case transmission kag total bed utilization kag intensive care unit utilization rates.
Suno kay Vergeire, sa idalum sang new normal, ang restrictions ang mangin specific ukon igaimplementar lamang sa mga lugar nga may high risk sang infection samtang ang capacity limit sa mga establishmento, indoor man ukon outdoor, kag transportasyon ang pagahukson.
Suno sa iya, nagasunod sila gihapon sang minimum public health standard, magasuksok sang face mask, pagpanghugas sang kamot, maglikaw sa mga madamo tawo nga lugar, physical distancing kag ventilation, air flow.
Samtang, suno kay Vergeire, kun panubuon gid man sang gobyerno ang restrictions, magapabilin gihapon ang mandatory nga pagsuksok sang facemask bilang proteksyon.
