Opisyal nga naghinyo ang Pilipinas sa United Nations (UN) nga kilalahon ang kinamatarong sang pungsod nga pasangkaron ang boundary sang West Philippine Sea tubtob sa nasakupan sini.
Suno sa Department of Foreign Affairs (DFA), paagi sa Philippine Mission to the UN, nagpasa sila sang impormasyon sa United Nations (UN) Commission on the Limits of the Continental Shelf (CLCS) nga i-rehistro ang titulo sang Pilipinas bilang extended continental shelf (ECS) sa nakatundan sang Palawan Region sa West Philippine Sea (WPS).
Nakasaad sa Article 76 sang UN Convention on the Law of the Sea (UNCLOS) nga ang Pilipinas ang entitled nga makatukod sang outer limits sang kaugalingon nga continental shelf kalakip ang seabed kag subsoil nga sakop sang submarine areas nga naga-extend halin 200 nautical miles (NM) apang indi maglapaw sa 350 NM halin sa baselines kun sa diin natakos ang territorial seas.
Ginpangunahan sang National Mapping and Resource Information Agency (NAMRIA) ang technical working group nga amo ang nagdihon sang nasambit nga submission sa sulod sang masobra isa ka dekada.
