Nagpanawagan ang Pilipinas sa Beijing nga mag-untat na sa paghimo sang mga tikang nga nagabutang sa katalagman sa seguridad sang mga sakayan kag eroplano sang Pilipinas matapos ang panibag-o nga pag-deploy sang mga flare halin sa China-occupied Subi (Zamora) Reef sa West Philippine Sea.
Sa isa ka statement, ginpahayag sang National Task Force for the West Philippine Sea (NTF-WPS) nga liwat ang mga ini nga nagapanawagan sa gobyerno sang eople’s Republic of China (PRC) nga pagauntaton na sa gilayon ang tanan nga provocative kag delikado nga mga ginapanghimo nga pamahog sa seguridad sang mga sakayan sang Pilipinas kag mga eroplano nga nagahimo sang lehitimo kag regular nga mga hilikuton sa sulod sang teritoryo sang Pilipinas kag Exclusive Economic Zone (EEZ) kag ang kinamatarong sang tanan nga mga sakayan kag eroplano nga nagagamit sang kahilwayan sa paglayag kag paglupad sa West Philippine Sea.
Suno pa diri, ang nasambit nga pagpang-atake ang nagaguba sang kalinong kag seguridad sa rehiyon, ilabi pa nga nagaguba sang imahe sang People’s Republic of China sa international community.
