Major win na naman para sa Pilipinas ang pagdaog sini sang walo ka award gikan sa World Travel Awards (WTA) 2024.
Ginkilala ang Pilipinas bilang Asia’s Leading Dive Destination sa anum ka sunod-sunod nga tuig humalin sang 2019.
Sa ginpatigayon nga Asia & Oceania Gala Ceremony 2024 sa City of Dreams sa Parañaque, gin-awardan man ang pungsod bilang Asia’s Leading Beach Destination kag Asia’s Leading Island Destination titles.
Nakuha sang pila ka top destination sang pungsod ang spotlight sa WTA, kun sa diin ang historic Intramuros ang narecognize bilang Asia’s Leading Tourist Attraction.
Samtang nakuha naman sang Boracay ang title sang Asia’s Leading Luxury Island Destination kag Cebu bilang Asia’s Leading Wedding Destination.
Nagdaog man ang “Love the Philippines” campaign sang Department of Tourism bilang Asia’s Leading Marketing Campaign kag gin-awardan si Tourism Secretary Christina Frasco sang Transformational Leader Award in Tourism Governance.
First time nga ginhost sang Pilipinas ang WTA sa 31st edition sini.
Tuig 2023, may nakuha man ang Pilipinas nga mga award lakip na ang first-ever Global Tourism Resilience award kaupod ang apat pa gid ka nasyon.
