Pilipinas, naghingyo sa Iran nga kabigon nga “non-hostile country” kag pahanugutan ang barko sa paglabay sa Strait of Hormuz

Naghingyo ang Pilipinas sa Iran nga kabigon nga “non-hostile country” ang pungsod kag masiguro ang kaluwasan sang Philippine-flagged vessels sa paglabay sa Strait of Hormuz sa tunga sang tensyon sa Middle East.

Madumduman nga ginpahayag ni Palace Press Officer Undersecretary Claire Castro nagmando ang presidente kay DFA Secretary Theresa Lazaro nga magpakig-angot sa ambassador sang Iran nahanungod sa ‘safe passage’ sang mga barko sang Pilipinas sa Hormuz Strait.

Suno kay Castro, nagpahayag si Ambassador Esmaeilzadeh nga madugay na nila ginahulat ang pagpakig-angot sang pungsod, kag sila ang nagpasalig nga magabulig sa Pilipinas sa mga partikular nga request.