Nakuha sang Pilipinas ang una sini nga Asian Winter Games gold medal matapos nga magdaog ang men’s curling team batok sa South Korea sa score nga 5-3 sa finals nga ginpatigayon sa Harbin, China.
Ini ang una nga gold medal sang pungsod sa bisan ano nga edition sang Asian Winter Games.
Ang Curling Pilipinas, ukon ang Curling Winter Sports Association of the Philippines, ang ginalakipan sang mga Filipino nga nagapuyo sa United States, Canada, kag Switzerland.
Ginalauman sang team nga magcompete sa Winter Olympics.
Ang team ang ginalakipan nanday Marc Pfister, Christian Haller, Enrico Pfister, Alan Frei, kag Benjo Delarmente, kag ang ila coach nga amo si Jessica Pfister.
Sa competition una nga nakontra sang Philippine team ang Japan sa score nga 10-4 nga ginsundan sang China sa score nga 7-6.
