Nagapabilin sa gihapon ang Pilipinas bilang second largest pineapple exporter sa bug-os nga kalibutan sa sulod sang 15 ka tuig kun sa diin nagsaka pa gid sa kapin sa three percent ang total shipment sang tinalikdan nga tuig kasunod sa mas mataas nga demand sang China sa premium quality nga mga prutas suno sa United Nations’ Food and Agriculture Organization (FAO).
Suno sa international agency, nagdangat sa 600,000 metric tons ang gin-export nga pinya gikan sa Pilipinas sang tuig 2023.
Suno sa UN, ang China amo ang top buyer sang Pilipinas kun sa diin kapin sa 43 percent ang total shipment nga ginpadala.
Suno sa FAO, nagsaka ang demand sa pinya sang Pilipinas bangod nga mas luyag sang China nga magbakal sang premium quality nga mga produkto.
Nag-increase man ang pag-export sang Pilipinas sang pinya sa South Korea kag Japan.
Samtang, suno naman sa Philippine Statistics Authority (PSA), nakaligad nga tuig nagdangat sa 1.01 million MT ang na-export sang pungsod sa balor nga masobra sa P40 billion.
Samtang, ang Costa Rica naman ang nagapabilin nga nagapanguna nga largest pineapple exporter sa bug-os nga kalibutan.
