Pilipinas, wala sang tsunami threat apisar sang 7.3 magnitude nga linog sa Pacific island nation nga Tonga

Ginpahayag sang Phivolcs nag wala sang tsunami threat sa Pilipinas matapos narekord ang isa ka magnitude 7.3 nga linog sa Tonga sa Pacific.

Suno sa Phivolcs, posible ang hazardous tsunami para sa mga baybayon nga nalocate sa sulod sang 300 kilometers sang epicenter sang linog.

Ang linog ang may kadalumon nga 59 kilometer apang wala sang destructive tsunami threat sa Pilipinas.

Samtang, nagpagwa naman ang US Geological Survey sang isa ka tsunami warning sa nasambit nga Pacific island nation.

Suno sa US tsunami warning system, ang tsunami waves nga nagadangat sa 0.3 tubtob 1 meter above tide level ang posible sa pila ka mga baybayon sang Niue kag Tonga.