Gin-abisuhan ni Philippine Ambassador to the United States Jose Manuel “Babes” Romualdez ang mga Filipino nga ilegal nga nagatinir sa Amerika nga indi na maghulat nga madeport matapos nga nagdaog sa US presidential elections si President-elect Donald Trump.
Sa ginpatigayon nga Foreign Correspondents Association of the Philippines (FOCAP), ginpahanumdum ni Romualdez nga nagdaog si Trump sa basehan nga igadeport sini ang tanan nga illegal immigrants sa Estados Unidos.
Apisar nga mas magamay lamang ang numero sang mga Filipino nga ilegal nga nagapabilin sa Amerika nga yara sa kapin 250,000-300,000 kun ikumparar sa iban nga pungsod, ginpahayag ni Romualdez nga dapat nga kay-uhon sang mga Filipino nga wala sang maskin ano nga sahi sang legal status ang ila dokumento ukon magamato-mato na lamang nga magbalik sa Pilipinas.
Ini bangud iya nagakakit-an nga ang administrasyon ni President Trump ang mangin tuman ka strikto sa immigration policy kag tinutuyo sini nga tumanon ang promisa nga ginhimo sini sa American public.
