Ginalantaw sang isa ka Filipino sa South Korea nga madayon ang impeachment batok kay South Korean President Yoon Suk Yeol bangud madamo sang nga akig sa iya.
Sa interview sang Bombo Radyo Bacolod kay Celestino Mercurio Jr, Bombo International News Correspondent direkta sa South Korea, wala man nagdugay ang martial law kag wala man nabatyagan bangud tulog ba ang mga tawo sang ini ang gindeklarar.
Suno kay Mercurio, madamo na sang mga nagarally bangud madamo ang akig sa presidente.
Dugang pa sini nga akig ang mga pumuluyo bangud ang presidente ang masami lamang nagabiyahe kag ginalantaw sang mga South Koreans nga wala na nagatrabaho sang ulubrahon bilang presidente sang pungsod.
Isa pa sa ginakaakig sang mga South Koreans ang pagpriotize sang presidente sa pagpasulod sang foreign workers gani ang mga locals ang wala na sang trabaho.
Suno kay Mercurio, kun magpanaog naman si South Korean President Yoon Suk Yeol sa pwesto, madamo man ini sang pangatubangon nga kaso.
Paathag sini nga indi korupsyon ang rason sa pagpa-impeach sa presidente bangud kun kurapsyon mahuya ang mga ini, kun sa diin may iban nga mga Koreans nga naga-utas nalang sang kaugalingon nga kabuhi.
Suno diri sa karun, ginapanilagan pa nila ang mga masunod nga matabo.
