Ginbawian sang kabuhi ang pilot sang Turkish Airlines samtang yara sa byahe nga nagresulta sa emergency landing sa New York.
Suno kay airline spokesman Yahya Ustunm nagtake off ang eroplano sa western US coastal city sang Seattle sang Martes sang gab-i.
Suno diri, ang pilot sang ila Airbus 350 flight TK204 nga gikan sa Seattle padulong sa Istanbul ang nagcollapsed samtang nagabyahe.
Ginhatagan sang first aid ang piloto kag nagdesisyon ang flight crew kag co-pilot sini nga mag- emergency landing na lamang apang ginbawian sang kabuhi ang piloto antes pa man ang landing.
Ang 59 anyos nga piloto nga nagtrabrabho sa Turkish Airlines humalin sang 2007 ang nakapasa sa medical examination sang Marso kag wala nakitaan sang indikasyon sang health problems.
