Nag-viral ang pagpresentar sang pinaka-una nga AI-powered humanoid robot sang Russia matapos matumba pila ka segundos lamang sang ginpasaka sa stage.
Ang insidente natabo sa Yarovit Hall Congress Center sa Moscow, kun sa diin nagsaka sa stage ang robot nga gintawag nga si AIdol sa pagsupervise sang duha ka handler kag nag-wave pa ini sa audience apang namumo ini.
Sang ginpatindog, nagdesisyon ang handlers nga pa-untaton na ang presentation kag gintabonan ini sang itom nga tela kag ginpagwa.
Madamo sa mga audience ang nadismaya bangod nagahulat sila nga makita ang abilidad sang robot sa paggiyo sa mga butang kag pagkomunikar.
Apisar nga ginbalik sa stage ang robot, kun sa diin nakuha na sini nga magtadlong, madamo sang nakakuha sang video sang natumba ini kag nagviral sa social media.
Mahibaluan nga indi ini ang una nga tion nga nagpresentar sang sala nga robot ang Russia.
Sang 2018, sa isa ka scientific forum, ginpakita sa mga audience si Boris nga isa ka highly-advanced robot apang ini ang isa lamang ka lalaki nga nagasuksuk sang robot suit.
