Nangin madinalag-on ang ginpatigayon nga pagturn-over sang Multi Purpose Center kag Skate Park sa Barangay Vista Alegre, Bacolod City kahapon sa pagpanguna nanday Bacolod City Lone Disrict Congressman Alfredo ‘Albee’ Benite kag Bacolod City Mayor Greg Gasataya.
Suno kay Congressman Benitez, gin-umpisahan sang 2023 ang construction kag ang ini nga national project may yara sang pondo nga P241 million.
May yara sang baskteball court sa multi purpose center kag suno sa kongresista mahimo nga dako nga porsyon sang budget ang nagkadto sa flooring sang court.
Bangod malapad ang lugar mahimo nga diri hiwaton ang mga meetings, pagpanghatag sang incentives, ukon venue para sa conference kag sports.
Suno kay Benitez, iya ginalauman nga maka-ensayo diri ang mga athletes nga mapadala sa international stage kag mapabugal sang ciudad.
Samtang, mahibaluan nga sa Pilipinas may tatlo lamang ka skate park kag ang skate park sa Bacolod City amo ang pinakadako sa pungsod.
Samtang, indi pa sa karun bukas ang Multi Purpose Center kag Skate Park bangod iturn-over pa ini sa General Services Office.
Suno kay Bacolod City Mayor Greg Gasataya, may gin-assign na ini nga team para temporaryo nga bantayan ang lugar.
Suno diri, madihon pa sila sang pagsulondan kun paano gamiton ang Multi Purpose Center kag Skate Park.
Ginabanta naman nga kapin sa 1,200 ka mga tawo ang mahimo ma-akomodar sang lugar amo nga manami ini para sa sports event kag venue sa pila ka mga hilikuton.
Pahayag ni Gasataya, dako ini nga bulig para sa mga kabataan sa ciudad ilabi na para sa Batang Pinoy sa masunod nga tuig.
