Ginhangkat ni Elon Musk, ang ginakabig nga pinakamanggaranon nga persona sa bilog nga kalibutan, si Russian President Vladimir Putin nga mag-inaway, kag ang premyo amu ang mangin kapalaran sang Ukraine sa nagapadayon sa karun nga invasion sang Moscow.
Sa Twitter, nagpost ang bilyonaryo kag founder sang aerospace company nga Space X kag ginhangkat si Vladimir Putin sang single combat.
Suno diri, ang Ukraine amu ang ila paga-awayan.
Gindugang pa ni Musk sa post ang pamangkot kun batunon bala sang 69-anyos nga Presidente ang iya challenge.
Sang isa sa mga 77 million followers sini ang nagpahayag nga ang Tesla founder ang wala mayo ginpanunduman ang iya pagpanghangkat, ginpahayag nga seryoso siya sa iya mga ginpanghambal.
Gindugang man sini nga kun masarangan ni Putin nga mapakahuy-an ang West, pagabatunon sini ang challenge apang nagapati ini nga indi ini pagbatunon sang Russian president.
Wala naman sang reaksyon ang Kremlin s anasmabit nga post.
Si Musk, 50-anyos kag ginbun-ag sa South Africa, ang nakahatag na ang suporta sa Kyiv samtang nga bulan kag nagpabutyag man sang simpatiya sang mga pumuluyo sang Russia nga indi luyag sang gyera.
