Narekord ang pinakamataas nga gas emission sang volcanic sulfur dioxide (SO2) gikan sa bulkan Kanlaon, kahapon.
Santo sa monitoring sang Philippine Institute of Volcanology and Seismology (PHIVOLCS), nagdangat sa kapin sa 7,307 tonnes/day ang narekord nga gas emission.
May yara man sang volcanic earthquake activity nga narekord sa average nga 9 events/day humalin sang naglupok ini sang Hunyo 3.
Padayon sa gihapon nga ginapahalong ang publiko samtang nagapabilin sa Alert Level 2 ang bulkan, kasubong man nga wala sa gihapon ginapahanugotan ang pagsulod sa 4 kilometer radius Permanent Danger Zone agud mapanubo ang risgo sang volcanic hazards kaangay sang pyroclastic density currents, ballistic projectiles, rockfall kag iban pa.
Ginapahalong man ang mga nagapuyo malapit sa southern kag western slopes ilabi na ang nag-eksperyensya sadto sang lahar kag muddy streamflows.
Sa karun, padayon sa gihapon ang close monitoring sang PHIVOLCS sa status sang bulkan.
