Ginapadayaw sang Bombo Radyo Philippines ang panibag-o nga achievements matapos makuha ang duha sa nagapanguna nga awards sa 28th Kapisanan ng mga Brodkaster ng Pilipinas (KBP) Golden Dove Awards, paagi sa flagship station nga Bombo Radyo Iloilo.
Ginkilala ang Bombo Radyo Iloilo bilang Best AM Station – Provincial, samtang ang Bombo News and Views Morning Edition ang ginpasidunggan naman bilang Best Newscast – Provincial.
Yari ang opisyal nga anunsyo:
Best Newscast – Provincial: Bombo News and Views Morning Edition
Best AM Station – Provincial: Bombo Radyo Iloilo
Subong nga tuig, siyam ka programa sang Bombo Radyo Philippines ang napilian bilang finalist sa nagkalainlain nga kategorya, isa ka dako nga kadalag-an nga nagapakita sang wala nagatahaw nga pagtutok sang network sa improvements sa patag sang broadcast journalism kag public service.
Yari ang mga fialist gikan sa Bombo Radyo Philippines:
• Best Newscast - Metro Manila: Bombo Network News (BNN)
• Best FM Station-Metro Manila: Star FM Manila
• Best Special Program: Star FM Manila at Bombo Radyo Cauayan
• Best Culture and the Arts Program: Bombo Radyo Iloilo
• Best Science and Technology Program: Bombo Radyo Iloilo
• Best Sports Program: Star FM BaguioAng mga awards ang pamatuod sa dedikasyon sang Bombo Radyo Philippines sa pagdul-ong sang dekalidad kag mapuslanon nga mga programa.
Ang kadalag-an ang indi lamang bunga sang kapisan kag abilidad sang mga tawo sa likod sang mikropono, kundi halad man sa mga tagpalamati, viewers kag mga nagasubaybay sa network diin man nga bahin sang Pilipinas kag sa nagkalainlain nga bahin sang kalibutan.
Basta Radyo, Bombo!
