BACOLOD CITY- Ginsuguran na ang pagtukod sang pinakauna nga esplanade sa ciudad sang Bacolod.
Suno kay Bacolod City District Engineer Abraham Villareal ginsuguran na sang Pebrero 28 sang kontraktor ang pagtukod sang esplanade ukon ang malapad nga lugar nga sarang malagawan sang mga tawo sa riverbank sang Lupit bridge malapit sa Bacolod Government Center.
Ini ang may 40 milyones pesos nga approved budget kag ginalauman nga matapos sa sulod sang pito ka bulan.
Suno kay Engr. Villareal plano ini nga himuon sang ciudad nga tourist attraction kag mangin income generating sa Bacolod.
Ginaplano man sang city government nga magtukod pa sang madamo nga esplanade sa iban pa nga riverbanks sa Bacolod.
Samtang ginapadalian man sang district engineer sa mga kontraktor ang pagtapos sang mga proyekto sa dalanon sa ciudad antes pa man ang tig-ululan.
Partikular nga ginapadalian ni Villareal ang flood control projects kag drainage system sa kalabaon sang dalan Lacson kag Brgy. Mandalagan.
