Ginkumpirmar sang Department of Foreign Affairs nga may isa ka Filipina nga napatay sa missile strike sang Iran sa Haifa, Israel sang Domingo sang gab-i, Abril 5.
Una na nga nareport nga apat ang narecover nga bangkay matapos mag-igo ang missile sa isa ka residential building sa port city.
Wala ginhingadlan sang DFA ang Pinay nga biktima, apang ginpahayag sang mga ini nga kaupod sa napatay ang Israeli sini nga bana kag ang iya mga ugangan.
Ang ahensya ang nagpalab-ot naman sang simpatya sa nalisdan nga pamilya, nga naghingyo sang privacy.
Sa statement sang DFA, sila ang naghatag naman sang nagakaigo nga bulig, kalakip na ang pagproseso sang repatriation sang bangkay.
Suno sa Israeli military, na-recover nila ang mga bangkay nga natampukan sang mga debris makaligad sang pila ka oras nga search-and-rescue operations.
Ginbisitahan man mismo ni Israeli National Security Minister Itamar Ben-Gvir ang site nga gin-igu sang missile.
