Nangin record-breaking ang crowd sa Pink People’s Rally nanday Vice President Leni Robredo kag Senator Kiko Pangilinan kag sang iya nga team sa Paglaum Sports Complex sa syudad sang Bacolod kagab-i.
Base sa data nga ginpagwa sang Negros Occidental Provincial Administrator’s Office, nagdangat sa 70, 000 ang nagtambong sa kahiwatan.
Gin-umpisahan ang programa sa opening prayer nga ginperform ni Marq Dollentes kag Negrosanon artists kag ginsundan sang pagkanta sang national anthem.
Kabahin man sang nagperform man ang Masskara electric dancers.
Samtang, naghatag man sang mensahe si Jose Marie Chan kag si Bishop Jerry Alminaza sang Diocese of San Carlos.
Ginpakilala sang singer nga si Mega Star Sharon Cuneta ang bana sini nga si Vice Presidential candidate Senator Francisco “Kiko” Pangilinan kun sa diin naglatag man sang iya nga plataporma samtang nag-abot man si Presidential Candidate Vice President Leni Robredo kaupod sanday Negros Occidental Provincial Governor Eugenio Jose “Bong” Lacson kag former Negros Occidental Provincial Governor Lito Coscouella.
Antes maghatag sang mensahe si Presidential Candidate Vice President Leni Robredo, gin-introduce siya ni Negros Occidental Occidental Provincial Governor Eugenio Jose “Bong” Lacson.
Kaupod sang gobernador nga nagtambong sa Robredo-Pangilinan People’s Rally sa Paglaum Sports Complex sanday Sagay City Mayor Thirdy Maranion, Cadiz City Mayor Salvador “Bading” Escalante, Himamaylan City Vice Mayor Justine Gatuslao, Negros Occidental Board Member Rita Gatuslao kag Bacolod City Vice Mayor El Cid Familiaran nga lunsay nagsuksok man sang pink.
Apisar sang mga nalipong nga gilayon man nga ginrespondehan sang medical personnel nga nakastand by sa lugar, natigayon kag matawhay nga natapos ang Robredo-Pangilinan People’s Rally.
