Pinoy golfer Felix ‘Cassius’ Casas, nagtaliwan na sa edad nga 57

Nagtaliwan na si Pinoy golfer Felix ‘Cassius’ Casas sa edad nga 57.

Ini ang ginkumpirmar sang iya nga utod nga babayi nga si Angie ang pagtaliwan sang kilala nga golfer sa balay sini sa Davao province.

Pila ka semana antes ang pagtaliwan ang grabe ang pag-ubo sini kag sang Domingo gindala na ini sa ospital bangud nga nabudlayan na ini nga magginhawa.

Ang Davao-born ang nagdaog sa Philippine Open sang 2001 kag Philippine Masters sang 2000 sa Villamor.

Nagdaog man ini sa Razon Cup sang duha ka beses nga ginpatigayon sa Country Club.

Ginpili man ini nga maghampang upod kay Tiger Woods sa exhibition game sa Mimosa sa Clark sadtong 1998.

Siya man ang una nga Pinoy nga naghampang sa US Open kag una nga alternate sa Bethpage Black sang 2002.