Isa ka Filipino nga manugpangisda ang namissing sa Scarborough Shoal matapos ang mabungguan sang isa ka barko ang barko sini sang Domingo, Hulyo 7, suno kay Sen. Francis Tolentino kahapon santo sa kumpirmasyon sang Philippine Coast Guard.
Suno kay Tolentino, may isa ka insidente nga natabo malapit sa Bajo de Masinloc kun sa diin naglubog ang isa ka barko kag missing ang isa ka manugpangisda sang Hulyo 7, 2024 sa West Philippine Sea.
Ang pangalan sang barko nga nagbunggo diri amu ang Yang Fu.
Suno kay Tolentino, ang ini nga report ang ginverify mismo ni PCG commandant Admiral Ronnie Gavan.
Suno kay Gavan, ila ini ginapangita humalin sang Hulyo 7 kag ginmanduan ang Coast Guard sa National Capital Region kag Central Luzon nga magpatigayon sang imbestigasyon para sa nagakaigo nga pagfile sang kaso batok sa responsable nga barko.
Suno kay Tolentino, ang dako nga barko nga nag-igo sa sakayan sang Filipino nga manugpangisda ang may nakasulat nga Chinese characters nga kun basahon amu ang “Yang Fu.”
Ginalantaw sang Senador nga isa ka commercial vessel ang nasambit nga barko apang ini ang nagpalagyo.
Suno sa Philippine Coast Guard, nagapadayon pa sa karun ang ila imbestigasyon.
