Ginkompirmar sang isa ka pinoy sa Rome, Italy nga isa ini sa mga mapadulong sa St. Peters Square Basilica sa Vatican City, Rome, Italy agud magtambong sang misa nga patigayunon mismo ni Pope Francis kadungan sang 5th centenary sang kristyanismo sa Pilipinas.
Sa interview sang Bombo Radyo Bacolod kay Jeff Vinas Lagos, Bombo Correspondent sa Rome, Italy, ginpahayag sini nga makadto siya sa Vatican apang ginasiguro pa sini ang bag-o nga health protocol bangud sa Lunes, Marso 15, may yara sang bag-o nga ipatuman nga lockdown sa Italy.
Ini kasunod sang pagtaas sang kaso sang COVID-19 sa Italy bangud madamo na ang wala nagasunod sang minimum health protocols ilabi na ang mga pamatan-on.
Ginpahayag man sini nga may ginasunod man nga guidelines sa St Peters Square bangud antes makasulod diri dapat magsuksok sang facemask kag may yara man sang x-ray nga magacheck sa matambong.
Proud man ini nga ginahatagan sang priyoridad ang mga Pilipino kadungan sang 500th year of christiany.
May yara man ang mga Pilipino sang meeting place sa malapit sa St. Peters agud maglista para sa attendance sang mga nagtambong.
Nagpanugyan man ini nga ipadayon ang pagsunod sa health protocols kag magpabakuna bangud wala man sang malain sa vaccine kag maayo ini agud nga kita ang maproteksyunan.
