Temporaryo nga magapungko bilang acting commander sang Visayas Command sang Armed Forces of the Philippines si 3rd Infrantry Division Commander Major General Benedict Arevalo matapos nagretiro si Lt. General Robert Dauz.
Sa interview sang Bombo Radyo kay Arevalo, ginpahayag sini nga matapos nga nagretiro si Dauz, may yara pa sang proseso nga agyan tuhoy sa pag-assign sang magabulos sa iya gani in the mean time, ini anay ang gintalana ni AFP Chief of Staff Lt. Gen. Bartolome Vicente Bacarro nga mangin acting commander bilang pinaka-senior general sa Visayas.
Indi naman sini masabat kun tubtob san-o siya magapungko sa pwesto bangud ini ang magadepende pa kun san-o maaprubahan ni President Ferdinand Marcos Jr. ang appointment sang mangin commander sang Visayas Command.
Sa karun, duha ka position ang ginakaptan ni Arevalo.
Ginpahayag man sini nga ang pagpakigbato batok sa CPP-NPA ang indi lamang iya ka AFP kag PNP kundi sang tanan nga mga pumuluyo gani dapat nga magbuligay agud sila ang malutos.
Sa bahin sang operations, ila pa iga-intensify ang ila mga operasyon batok sa armado nga grupo.
