Nagpahanumdom ang pinuno sang Bacolod Traffic Authority Office (BTAO) sa mga trucking nga nagakarga sang tubo nga sundon kun ano ang recommended nga ila makarga agud malikawan ang mga aksidente kaangay sa kuryente.
Sa interview sang Bombo Radyo Bacolod kay Police Major Junji Liba, ang mga trucking nga ginakargahan sang tubo ang may yara sang ginasunod nga takos sang ila makarga nga tubo.
Suno kay Liba sa truck ban, ginapauntat sang mga ini ang mga trucking nga may karga nga tubo kag ginatakos ang karga antes nga makaagi sa circumferential roads sang syudad.
Suno sa pinuno sang BTAO, 14 ft. lang halin sa duta ang kataason sang karga wala labot ang tindog sang truck.
Suno diri ini ang nagakadapat nga takos sang truck kalakip ang karga.
Suno kay Liba ang mga truck nga may karga nga tubo nga naglapaw sa ginasunod nga takos sang karga ang wala ginapasugtan nga makalabay.
Apang ang mga nagapamilit nga maglabay apisar nga sobra sa ginasunod nga takos sang karga ang gina issuehan sang citation ticket.
Pahanumdom sang BTAO head nga kun ano ang ordinansa nga ginapatuman sang sa syudad ini sagihapon ang ginapatuman nila kag dapat nga ini ang sundon agud nga malikawan ang aksidente bangud sa overloading sang ila nakarga nga tubo.
