Gin-athag sang pinuno sang Bacolod Traffice Authority Office nga wala sang rerouting nga matabo kasunod sa pagsaulog sang 85 th charter day sang Bacolod City.
Sa interview sang Bombo Radyo kay Police Major Junji Liba, may yara sang apat ka Barangay sa siyudad nga paga-umpisahan sang parade: Barangay Sum-ag, Barangay Handumanan, Barangay Alangilan kag Barangay Bata.
Alas 7:30 subong nga aga, maga-assemble ang partcipants sa apat ka barangay kag alas 9:00 masugod ang parade kun sa diin ang kataousan sang parade kag ang tanan magatipon sa Bacolod City Government Center.
Suno kay Liba, wala sang rerouting, kun maglabay ang parade temporaryo lamang nga untaton ang mga salakyan kag motorsiklo kag kun matapos na, balik sa normal ang lakat sang trapiko.
Full-alert naman ang mga traffic enforcers kun sa diin lakip sa magaduty ang may day-off apang sila man ang maka-off duty matapos ang parade.
Pagabutangan man sini sang mga personnel ang mga intersections kag ang mga routa nga masami wala sang enforcer nga agyan sang parada pagabutangan sang personnel.
Panugyan ni Liba sa mga motorista ang displina sa kaugalingon agud malikawan ang halit sa dalanon nga sila pa ang masami nagareklamo sa traffic apang suno kay Liba sila man ang wala nagabulig sa pagsolbar sa problema sa trapiko.
