Luyag sang Bacolod Traffic Authority Office nga pilion ang mga naga-apply nga may experience na agud makahingagaw sa palaabuton nga election kag MassKara Festival matapos nga nakakas sa trabaho ang 48 ka mga enforcers.
Sa interview sang Bombo Radyo kay BTAO head Police Major Junji Liba, 252 na lang nabilin nga personnel sa BTAO matapos nga nakakas sa trabaho ang 48 diri nga nagpositibo sa surprise drug test.
Suno diri, may yara na sang mga nag-apply kag sila ang ginascreening.
Pahayag ni Liba nga nagahingagaw na ini para sa palaabuton nga barangay kag Sangguniang Kabataan elections kag MassKara Festival.
Luyag man sini nga pilion ang may yara na sang experience kag ihibalo sa trabaho sa trapiko agud nga indi na sini pag-ipaidalum sa hugot nga training.
Sang nakaligad, may yara sang nadisqualify bangod nga kaangay lang ini nga dekorasyon sa dalanon bangod wala nakahibalo sa trabaho.
