Ginpahayag sang pinuno sang Bacolod Traffic Authority Office nga wala ini nagkulang sa pagremind sa mga personnel nga likawan ang illegal nga druga.
Sa 282 ka persannel sang BTAO, 32 diri ang nagpositibo sa illegal drug use kadungan sang surprise drug test nga ginpatigayon tinalikdan nga adlaw.
Sa interview sang Bombo Radyo kay Police Major Junji Liba, wala pa ini sang opisyal nga direktiba nagikan kay Bacolod City Mayor Alfredo Benitez kun ano ang masunod nga plano sa mga nagpositibo.
Suno diri, indi pa man sini mapagwa ang mga pangalan bangod sila ang subject for confirmatory test pa.
Pahayag ni Liba, wala ini nagkulang sa pagremind sa mga personnel sang BTAO nga indi magsulod sa bisyo ilabi na sa illegal nga druga.
Aminado man ini nga siya ang may nabaton nga impormasyon nga may yara sang mga ginasuspetsuhan.
Gani indi ini makahangop kun ngaa nahimo ini sang mga personnel nga sila man ang nakahibao nga illegal ini.
Dugang pa niya, indi rason ang kakapoy sa trabaho agud maggamit sang druga.
Indi naman sini luyag pa nga maghatag sang second chance sa 32 ka mga personnel kun sila ang magpositibo man sa confirmatory test.
Mensahe sini sa mga enforcers nga wala lang sang personalan bangod tinutuyo man lang sini nga maghatag sang matawhay nga pag-implementar sang pagsulundan sa trapiko.
