Kadungan sang hugot nga pagpatuman sang No Terminal Policy sa downtown area sang Bacolod, gin-athag sang pinuno sang Bacolod Traffic Authority Office nga ginapatuman lang ang ordinansa kag wala ginakuhaan sang palangabuhian ang mga driver.
Suno kay Police Major Junji Liba, ang No Terminal Policy ang sakop sang City Ordinance 338 nga indi pwede makaterminal sa downtown kundi magalabay lang ang PUJ bangud roundtrip ang ila byahe santo sa pangkisa.
Suno kay Liba, may mga PUJ nga nagaterminal sa Luzuriaga Street gani sila ang gindumilian na.
Panindugan sini, wala nila ginakuhaan sang palangabuhian ang mga driver kundi ginapatuman ang ordinansa agud nga may yara sang sistema bangud nagagutok ang dalagan sang trapiko kun madamo nga jeep ang nagapundo.
Suno sa BTAO head, loading kag unloading lang ang sistema bangud ang pagtinir sa lugar sang lima ka minutos ang pagterminal na sa lugar.
Gin-istorya naman ni Liba ang concerned nga PUJ drivers kag ginpaathagan nga tubtub duha lang ka unit ang magapundo agud nga makapasaka sang pasahero.
Santo sa monitoring kaina sang aga, tubtub apat naman ang nagapila nga PUJ agud nga magpasaka sang pasahero nga indi pagpahanugutan sang BTAO.
Kun wala sang pagterminal sa lugar suno kay Liba, mahawan ang dalan.
Suno kay Liba, indi lang dalan Luzuriaga ang ginabantayan kundi tanan nga dalan sa Bacolod bangud ginapatuman lamang nila ang ordinansa kag ginahatagan sang sistema.
