Nagpanugyan ang pinuno sang Department of Interior and Local Government (DILG) Bacolod City sa mga contact tracers sang syudad nga hulaton lamang angila nga sweldo bangud ginaproseso na ini.
Sa interview sang Bombo Radyo Bacolod kay Ma. Joy Maredith Madayag, ang mga contact tracers ang ginhiredsang ahensya kag may ginpirmahan nga kontrata ang may yara sang dapat icomply nga requirements kaangay sang Philhealth; TIN ID; kag pag-open sangaccount sa Land Bank para sa payroll.
Suno kay Madayag, kinahanglan nga makompleto ang requirements sang mga contracers antes ipadala sa regional office agud maproseso ang payroll.
Aminado man ini nga madugay ang pagproseso sang payroll bangud nagakinahanglan ini sang kompleto ang mga requirements kag dokyumento bangud pondo sang gobyerno ang gamiton diri kag iaudit ini sang Commission on Audit.
Ginpahayag man ni Madayag nga lima lang ang ginacater sang Land Bank nga magaopen sang saving account kag sila man ang nagaschedule bangud ginahatagan pa nila ini sang certification nga sila ang isa ka contact tracer.
Suno diri, ang mga dokumento nga ginapasa sa ila para sa payroll ang ginareview isa-isa santo sa memorandum nga ginpanaugsang regional office nga dapat siguruhon nga kompleto ini antes ipasa agud maproseso ang payroll.
Suno kay Madayag may yara sang 312 ka mga contact tracers sa syudad sang Bacolod samtang ang probinsya naman sang Negros Occidental ang may yara sang kapin isa ka libo.
Sa karun may yara na sang 300 ka mga contact tracers sang Bacolod City nga naprocess na ang payroll kag may duha nga ginpalagas samtang may yara pa sang napulo ang pending nga wala nakasubmit sang requirements.
Gin-athag man sini nga ang regional office sang DILG nagaproseso kapin 3300 nga payroll sang mga contact tracers para sa bilog region.
Ginalantaw man sini nga marelease ang payroll para sa bulan sang Oktubre sa madason nga semana kag nagpanugyan man ini sa mga nakakompleto na sang requirements kag napasa na ini nga lantawon ang savings account basi napasulod na ang ila nga sweldo.
HEAD MA JOY MARIDETH MADAYAG
