Aminado ang pinuno sang Land Transportation Office Bacolod nga may right of way ang emergency vehicles apang indi ini absolute gani kinahanglan nga maghalong ang driver sini.
Tinalikdan nga semana, nabungguan sang patrol car sang Bacolod Police Station 2 ang Toyota Hi-Lux sa intersection sang Burgos-San Juan Streets sang magaresponde kuntani ang kapulisan sa sunog nga nagluntad sa Purok Magtiayon, Barangay 10.
Sa interview sang Bombo Radyo kay Renato Novero, may yara sang right of way ang tanan nga yara sa idalom sang transportation group nga emergency vehicle apang indi ini absolute.
Suno diri, apisar nga exempeted sa limit sa pagpadalagan sa dalan, kinahanglan sa gihapon nga maghalong.
Dugang pa sini, lakip ang police car nga may emergency travel, ambulance, fire truck, authorized law enforcement vehicle kag mga private vehicles nga may dala nga doktor sa pribilehiyo nga ginhatag nga right of way.
Ginpahanumdom sini ang mga motorista nga kun may yara sang mabatian nga siren ukon wangwang, obligado nga magpahigad ang nagabayhae para maghatag sang lugar sa maaagi nga emergency vehicle.
