Wala sang plano nga mag-atubang ang pinuno sang Land Transportation Office (LTO) – Bacolod sa grupo sang Traditional Jeepney Drivers kag Operators nga nagrally sa gwa sang ila talatapan.
Nahibaluan nga nagtipon ang grupo sang Bacolod Alliance for Commuters Operators and Drivers (BACOD) sa atubang sang LTO-Bacolod office agud pamatukan ang pagdakop sa ila kun magabyahe sa dalanon.
Sa interview sang Bombo Radyo Bacolod kay LTO-Bacolod Head Councilor Renato Novero, deretso na sang mga ini ang magrally apang indi lamang balabagan ang operasyon sang ahensya.
Nag-umpisa ang rally alas-8:00 sang aga, kun sa diin nagtuyo pa kuntani nga magsulod ang mga nagaprotesta sa talatapan sang dyutay pa lamang ang naka-augment nga kapulisan, tubtob nga nakaabot ang mga personnel gikan sa Bacolod Mobile Force Company.
Paathag ni Novero nga nagtawag ini sang kapulisan agud maseguro ang peace and order sa lugar partikular na para sa ila nga mga kliyento.
Pahanumdom sini sa mga nagaprotesta nga respetuhon ang ila mga kliyente bangod indi nila luyag nga ma penaltihan ang mga ini kun madelay ang mga proseso.
Apang panindugan sini nga siya ang indi maga-atubang bangod wala ang iya assistant approving officer, kag indi man pwede nga pabay-an nya ang mga ini.
Magagwa lamang ini para sa dialogo kun may-ara sang mandato gikan sa LTO National Office.
Nagapati si Novero nga ang problema sang BACOD ang yara sa Land Transportation Franchising and Regulatory Board (LTFRB) bangod ang LTO ang magapatuman lamang sang ila regular nga mandato, ang magdakop sang mga nagabyahe nga wala sang rehistro mapa jeep, tricycle,
