Nagpanugyan ang pinuno sang Provincial Disaster Management Program Division nga magpangamuyo kag magaligmat subong nga nangin mainulanon nga panahon.
Sa interview sang Bombo Radyo Bacolod kay Dr. Zeaphard Gerhart Caelian, kaina sang aga nagpagwa sang rainfall warning ang National Disaster Risk Reduction & Management Council (NDRRMC) matapos nga wala naga-untat ang pagbubo sang ulan.
Suno kay Caelian ang pag-ulan ang dala sang ikog ukon trough sang Low Pressure Area (LPA) kag Northeast Monsoons.
Ginpahayag man sini nga ang mga DRRM office sang tagsa ka mga local government units sa probinsya ang nagapadayon ang monitoring sa dalagan sang panahon.
Suno kay Caelian, sa naghatag sang monitoring report ang syudad sang Sagay lang ang nakahatag sang report nga nagasaka ang tubig sa mga overflows apang manageable man.
Santo man sa report sang PAG-ASA ang LPA ang malabay sa Visayas apang wala man natumod ang sentro sini bangud ini man makita sa radar sang PAG-ASA.
Suno sa PDMPD, kaina sang aga pila sa mga apektado sang rainfall warning nga ginpagwa sang PAG-ASA amo ang banwa sang Manapla, syudad sang Escalante, Sagay kag Cadiz.
Suno diri, ang northeast monsoon ang nagadala sang ulan sa northern Negros.
Nagpanugyan man ini sa mga pumuluyo nga mag-aligmat kag magmonitor sa dalagan sang panahon agud makapreparar.
