Ginkumpirmar sang regional director sang Police Regional Office 6 nga nag-assume gilayon ang bag-o nga officer-in-charge sang Bacolod City Police Office matapos ang ginpatigayon nga turn-over of command sa regional headquarters kahapon sang hapon.
Sa interview sang Bombo Radyo Bacolod kay Police Brigadier General Jack Wanky, nangin madinalag-on ang ginpatigayon nga turn-over activities.
Suno kay Wanky, assumption of command nalang ang matabo kay Police Col. Joeresty Coronica bilang officer-in-charge sang BCPO bangud naghalin na ang ginbuslan sini nga si Police Col. Noel Aliño.
Suno diri, ang una nga mando sini kay Coronica amo ang magcourtesy call kay Bacolod City Mayor Alfredo ‘Albee’ Benitez.
Suno kay Wanky, una na nga naplano ang reassignment sang mga city director apang bangud nga nagapalapit man ang State of the Nation Adress (SONA), ginpatapos nalang antes ini patigayunon bangud alang-alang kag nakaplastar na ang mga ini sang security plan.
Suno diri, ang reassignment kay Aliño ang gulpyada bangud wala sang nagapungko nga pinuno ang CIDG kag ang mando ang nagikan sa Campo Crame.
Samtang ang pagbalasa naman sang mga city directors ang desisyon sang regional director kag may clearance halin sa PNP chief.
Paghangkat naman kay Coronica ang mga shooting incidents sa ciudad kasubong man ang problema sa illegal nga druga.
Ginpahayag man ni Wanky nga indi na dapat masulit ang mga shooting incidents nga malapit sa police stations bangud kun masulit, ang mga kapulisan nga incharge ang marelieve sa trabaho.
