Nahatagan na sang sabat ang petition letter sang Progressive Alliance of Capitol Employees sa Office of the Governor nga pahalinon ang head sang Negros Occidental Provincial Human Resource Management Office (PHRMO) nga si Atty. Anabelle Palic.
Si Atty. Anabelle Palic ang gin-assign sa Governor’s Office samtang ang nagbulos naman nga PHRMO Head amo ang 2nd in command sini nga si Filomena Guzon.
Ginpasalamatan ni PACE President Renelo Lastierre nga gilayon nga nahatagan sang tikang ang ila nga apelasyon kay Negros Occidental Governor Eugenio Jose “Bong” Lacson.
Ginalauman naman sang grupo nga sa pagpamuno ni Guzon, mahatagan na sang sabat ang pila ka mga ginpatpat nga demand nga nakabutang sa ila nga petition letter.
Ini ang ginalakipan sang tuman ka damo nga requirements sa mga nagaretiro nga capitol employees, atrasado nga sweldo sang mga job order employees tuga sang mga rekisito kasubong man ang atrasado nga paggeho sang PHRMO.
Magatalana naman ang grupo sang meeting kaupod si Guzon agud nga madiskusyunan ang iban nga mga problema sa PHRMO nga nagahatag sang kabudlayan sa mga empleyado sang kapitolyo, job order employees kag mga magaretiro kalakip na ang pagbuhin sang leave credits sa mga ginquarantine nga mga empleyado bangod sa pandemic.
